Halyk инновациясының – Face Pay бет-әлпетті тану жүйесінің арқасында – Sinooil жанармай құю бекеттері желісінің тұтынушылары бензинге төлем жасағанда уақытын үнемдей алады.            Қаржылық технологиялар әлемі тек ақшалай төлемдер дәуірін артқа қалдырып, қарқынды дамуды бастан кешіруде. Бүгінгі таңда тауарлар мен қызметтерге ақы төлеу бұрын-соңды болмаған жылдамдықпен және ыңғайлылықпен, биометриялық деректерді, интернетке қосылмаған смартфондарды (Apple Pay, Samsung Pay және Google Pay) және басқа да көптеген инновациялық шешімдерді пайдалана отырып жүзеге асырылуда. Банк операцияларының бұл жылдам цифрландыруы өмір салтын түбегейлі өзгертіп, жаңа мүмкіндіктер ұсынады және қаржылық операциялардың тиімділігін арттырады.

Осындай шешімдердің бірі – биометриялық төлем, яғни бет-әлпетті тану жүйесі арқылы төлем жасау. Осылайша, Қазақстандағы ең ірі банк – Halyk Bank және заманауи технологияларды жүргізушілердің ыңғайы үшін енгізіп жатқан нарық көшбасшысы – Sinooil ЖҚБ желісі біріге отырып, Face Pay атты ерекше жанармай төлеу сервисін іске қосты. Бұл жылдам және ыңғайлы шешім, жүргізушілерді банк карталарынан және тіпті интернетке қосылу қажеттілігінен босатады, бұл қарбалас уақытта, және жанармай құю бекеттері бос емес болған жағдайында өте өзекті.

"Halyk әрқашан клиент сапарын барынша ыңғайлы етуге және барлық төлем әдістерін жаңғыртуға ұмтылады. Бірегей биометриялық төлемді енгізу - бұл жолдағы тағы бір қадам. Біз уақытпен бірге ілесіп, қазақстандықтардың күнделікті өмірін жеңілдететін инновациялық шешімдерді ұсынамыз", - деді Halyk эквайринг департаментінің директоры Елдос Кырбасов.

Жаңа қызметтің басты артықшылығы – оның жылдамдығы мен қарапайымдылығы. Клиент колонкаға жақындайды, кассаға барып, жүйе оның бет-әлпетін таниды, және төлем автоматты түрде жүзеге асырылады. Бұл қызмет көрсету уақытын қысқартуға және кезектерді болдырмауға мүмкіндік береді.

Қазіргі уақытта Райымбек даңғылы, 74 (Саяхат автовокзалы маңында) орналасқан Sinooil жанармай құю бекетінде қызмет пилоттық режимде жұмыс істеп тұр. Дегенмен, банк бұл технологияны Қазақстанның барлық басқа Sinooil жанармай құю бекеттерінде енгізуді жоспарлап отыр.

"Біз үшін тұтынушыларымызға барынша жайлылық пен ыңғайлылықты қамтамасыз ету маңызды. Біздің жанармай құю бекеттерінде Face Pay жүйесін іске қосу - жанармай құю процесін жылдам, контактісіз және қауіпсіз ететін болашаққа жасалған маңызды қадам", - деді Sinooil компаниясының сату және маркетинг департаментінің директоры Данияр Садыков.

Бұл технологияны енгізу Sinooil компаниясының тұтынушылар тәжірибесін жақсартуға және сервисті автоматтандыруға бағытталған цифрландыру стратегиясының бөлігі болып табылады.

Сонымен қатар, Sinooil және Halyk клиенттерге қосымша артықшылықтар да ұсынады. Sinooil Halyk кобрендтік картасының иелері желі жанармай бекеттерінде жасаған әрбір сатып алудан 4% бонус алады. Бұл – компанияның клиенттерге ыңғай мен тиімділік сыйлауға бағытталған стратегиясының бір бөлігі.

Жанармай құю станциясындағы бет-әлпетті тану жүйесін пайдаланып төлем жасау елдегі ең танымал қызметтердің бірін айтарлықтай автоматтандыруға мүмкіндік беретін перспективалы бағыт болып табылады. Бұл технологияның Қазақстан аймақтарында кеңеюі жүргізушілер үшін ыңғайлылық пен қызмет көрсету жылдамдығын айтарлықтай арттыруға жол ашады.